Er du utbrend, er ikkje kvile aleine tilstrekkeleg for å bli frisk – andre tiltak er også naudsynt.

Sjukmelding

Du lyt sjukmeldast! Viss du fortset å presse deg blir det berre verre, og du treng endå lengre tid for å hente deg inn att.

Betre søvnrutine

Dårleg søvn er typisk for utbrende. Følgjande kan hjelpe:

• set av tid på dagen til å løyse eventuelle problem slik at dei ikkje held deg vaken,
• ikkje innta drikke/mat som inneheld koffein etter klokka 17,
• ro ned før leggjetid med til dømes roleg musikk eller meditasjon/avspenning,
• legg deg og stå opp til faste tider.

Rett kosthald

Eit sunt og variert kosthald hjelper kroppen å hente seg inn att. Kutt ut: sukker, kaffi, te, alkohol, kveitemjøl, gjær og raudt kjøt. Et meir frukt, grønsaker og kvitt kjøt.

Aktivitetstilpassing

For å hente deg inn att, lyt du slutte å bruke for mykje krefter. Tilpass aktivitetane til kreftene du har ved å vurdere:

• Kor anstrengjande er aktivitetane?
• Kor lenge kan du halde på med kvar aktivitet?
• Lyt du kvile mellom aktivitetane?
• Er nokon aktivitetar så belastande at du bør utelate dei for ein periode?
• Kva endringar bør gjerast i den daglege rutinen?

Behandling